Bænir
Signingin
Í nafni Föðurins og Sonarins og hins Heilaga Anda.
Amen.
Faðir vor
Faðir vor, þú sem ert á himnum,
helgist þitt nafn,
komi þitt ríki,
verði þinn vilji
svo á jörðu sem á himni.
Gef oss í dag vort daglegt brauð
og fyrirgef oss vorar skuldir,
svo sem vér og fyrirgefum vorum skuldunautum,
og eigi leið þú oss í freistni,
heldur frelsa oss frá illu.
Maríubæn
Heil sért þú María, full náðar. Drottinn er með þér, blessuð ert þú meðal kvenna, og blessaður er ávöxtur lífs þíns, Jesús. Heilaga María, Guðsmóðir, bið þú fyrir oss syndugum mönnum, nú og á dauðastundu vorri. Amen.
Lofgerðarbæn
Dýrð sé Föðurnum og Syninum og hinum Heilaga Anda. Svo sem var í öndverðu, er enn og verður ávallt og um aldir alda. Amen.
Postulleg trúarjátning
Ég trúi á Guð Föður almáttugan, skapara himins og jarðar. Og á Jesúm Krist, hans einkason, Drottin vorn, sem getinn er af Heilögum Anda, fæddur af Maríu mey, leið undir valdi Pontíusar Pílatusar, var krossfestur, dáinn og grafinn, sté niður til heljar, reis á þriðja degi aftur upp frá dauðum, sté upp til himna, situr við hægri hönd Guðs Föður almáttugs og mun þaðan koma að dæma lifendur og dauða. Ég trúi á Heilagan Anda, heilaga kaþólska kirkju, samfélag heilagra, fyrirgefningu syndanna, upprisu holdsins og eilíft líf. Amen.
1. Fyrir framliðnum
Drottin, veiti þeim hina eilífu hvíld, og hið eilífa ljós lýsi þeim.
Allar sálir trúaðra framliðinna hvíli í friði sakir miskunnar Guðs.
Amen
2. Fyrir framliðnum
Lýk ég nú bæn minni með því að biðja fyrir öllum kristnum sálum, sem fram hafa farið af heiminum frá upphafi og minna bæna með þurfa. Ég bið allsvaldandi Guð, að hann veiti þeim fyrirgefningu allra synda og gefi þeim eilífa hvíld og óþrjótandi ljós til efsta dags. En á upprisudegi veiti hann sálum vorum óumræðilegan fögnuð með sjálfum sér og öllum himneskum hersveitum. Amen
Memorare
Mildiríka María mey, minnst þú þess, að aldrei hefur það komið fyrir, að nokkur maður hafi árangurslaust snúið sér til þín og ákallað hjálp þína og árnaðarbæn. Til þín sný ég mér því með fullu trúnaðartrausti, móðir mín og meyjan öllum meyjum æðri; til þín kem ég, frammi fyrir þér stend ég, aumi syndari. Móðir eilífa Orðsins, fyrirlít þú ekki bæn mína, heldur veit þú mér áheyrn og bænheyr mig. Amen
Bið þú fyrir oss heilaga Guðsmóðir. Svo að vér verðum makleg fyrirheita Krists. Amen
Salve Regina
Heil sért þú, drottning, móðir miskunarinnar, lífs yndi og von vor, heil sért þú.
Til þín hrópum vér, útlæg börn Evu. Til þín andvörpum vér, stynjandi og grátandi í þessum táradal.
Talsmaður vor , lít þú miskunnarríkum augum þínum til vor og sýn þú oss, eftir þennan útlegðartíma, Jesú, hinn blessaða ávöxt lífs þíns, milda, ástríka og ljúfa María mey.
Bið þú fyrir oss heilaga Guðsmóðir. Svo vér verðum makleg fyrirheita Krists. Amen
Engill Drottins
Engill Drottins flutti Maríu fagnaðarboðskapinn,
– og hún fékk getnað af Heilögum Anda.
Heil sért þú, María…
Sjá, ég er ambátt Drottins,
– verði mér eftir orði þínu.
Heil sért þú, María…
Og Orðið varð hold
– og bjó meðal vor.
Heil sért þú, María…
Bið fyrir oss, heilaga Guðsmóðir.
- Svo að vér verðum makleg fyrirheita Krists.
Vér skulum biðja:
Vér biðjum þig, Drottinn, úthell náð þinni í hjörtu vor, svo að vér, sem fyrir fagnaðarboðskap engilsins höfum orðið þess vísari að Sonur þinn er maður orðinn, verðum fyrir þjáningar hans og kross leiddir til upprisu dýrðarinnar. Fyrir Krist, Drottin vorn. Amen.
Rósakransbænir
Signingin
Í nafni Föðurins og Sonarins og hins Heilaga Anda. Amen.
Postulleg trúarjátning
Ég trúi á Guð Föður almáttugan,
skapara himins og jarðar.
Og á Jesúm Krist, hans einkason, Drottin vorn;
sem getinn er af Heilögum Anda,
fæddur af Maríu mey;
leið undir valdi Pontíusar Pílatusar,
var krossfestur, dáinn og grafinn, sté niður til heljar,
reis á þriðja degi aftur upp frá dauðum, sté upp til himna,
situr við hægri hönd Guðs Föður almáttugs
og mun þaðan koma að dæma lifendur og dauða.
Ég trúi á Heilagan Anda,
heilaga kaþólska kirkju, samfélag heilagra,
fyrirgefningu syndanna,
upprisu holdsins og eilíft líf. Amen.
Faðirvorið
Faðir vor, þú sem ert á himnum,
helgist þitt nafn,
komi þitt ríki,
verði þinn vilji
svo á jörðu sem á himni.
Gef oss í dag vort daglegt brauð
og fyrirgef oss vorar skuldir,
svo sem vér og fyrirgefum vorum skuldunautum,
og eigi leið þú oss í freistni,
heldur frelsa oss frá illu.
Maríubæn
Heil sért þú María, full náðar.
Drottinn er með þér;
blessuð ert þú meðal kvenna;
og blessaður er ávöxtur lífs þíns, Jesús.
Heilaga María, Guðsmóðir,
bið þú fyrir oss syndugum mönnum,
nú og á dauðastundu vorri. Amen.
Lofgerðarbæn
Dýrð sé Föðurnum
og Syninum
og hinum Heilaga Anda.
Svo sem var í öndverðu,
er enn og verður ávallt
og um aldir alda. Amen.
Fatima bæn
Ástkæri Jesús fyrirgef þú oss syndir vorar.
Forða oss frá logum heljar.
Leið allar sálir til himna,
sérstaklega þær sem þurfa mest á miskunn þinni að halda. Amen.
Salve Regina
Heil sért þú, drottning,
móðir miskunnarinnar,
lífs yndi og von vor, heil sért þú.
Til þín hrópum vér, útlæg börn Evu.
Til þín andvörpum vér,
stynjandi og grátandi í þessum táradal.
Talsmaður vor,
lít þú miskunnarríkum augum þínum til vor
og sýn þú oss,
eftir þennan útlegðartíma, Jesú,
hinn blessaða ávöxt lífs þíns,
milda, ástríka og ljúfa María mey.
Bið þú fyrir oss, heilaga Guðsmóðir.
Svo að vér verðum makleg fyrirheita Krists. Amen.
Bæn Leós páfa XIII
Ó, Guð, sem gafst oss þinn eingetinn Son sem með lífi sínu, dauða og upprisu hefur aflað oss umbunar eilífs lífs, vér sárbænum þig að með íhugun þessara helgu leyndardóma hins alhelga rósakrans sællar Maríu megum vér bæði líkja eftir inntaki þeirra og öðlast það sem þeir gefa fyrirheit um. Fyrir hinn sama Krist, Drottin vorn. Amen.
Rósakrans miskunnarinnar
Bænin er beðin með talnabandinu og hefst á Faðir vori, Maríubæn og trúarjátningunni
Við stóru perlurnar er beðið:
Eilífi Faðir, ég fórna þér líkama og blóði, sálu og guðdómi þíns heittelskaða Sonar, Drottins vors Jesú Krists, til þess að öðlast fyrirgefningu synda vorra og synda alls heimsins.
Við litlu perlurnar er beðið:
Vegna þungbærra þjáninga Krists,
– miskunna þú oss og gjörvöllum heimi.
Við lok talnabandsins er endurtekið þrisvar:
Heilagi Guð, heilagi sterki Guð, heilagi ódauðlegi Guð,
– miskunna þú oss og gjörvöllum heimi.
Faðir vor
Faðir vor, þú sem ert á himnum
helgist þitt nafn,
komi þitt ríki
verði þinn vilji
svo á jörðu sem á himni.
Gef oss í dag vort daglegt brauð,
og fyrirgef oss vorar skuldir,
svo sem vér og fyrirgefum vorum skuldunautum,
og eigi leið þú oss í freistni,
heldur frelsa oss frá illu.
Amen.
Maríubæn
Heil sért þú María, full náðar.
Drottinn er með þér; blessuð ert þú meðal kvenna,
og blessaður er ávöxtur lífs þíns, Jesús.
Heilaga María, Guðsmóðir, bið þú fyrir oss syndugum mönnum,
nú og á dauðastundu vorri.
Amen.