Dómkirkja Krists Konungs 90 ára!

Birt 15.05.19 í Fréttir og tilkynningar

Dómkirkja Krists Konungs 90 ára!

Hátíðarmessa sungin 28. júlí 2019 kl 10.30

(English below)

Þann 23. júlí næstkomandi verða níutíu ár liðin frá vígslu Dómkirkju Krists konungs í Landakoti. Allir eru velkomnir að fagna þessum merku tímamótum í hátíðarmessu sem verður sungin í Dómkirkju Krists konungs, sunnudaginn þann 28. júlí 2019 klukkan 10.30. 

Sögu kaþólsku kirkjunnar í Reykjavík má rekja allt aftur til ársins 1860 þegar tveir franskir prestar keyptu jörðina Landakot, þar sem þeir reistu litla kapellu. Hún var síðar leyst af hólmi af timburkirkju við Túngötu sem var helguð heilögu hjarta Jesú.  

Eftir fyrri heimsstyrjöldina hófu prestar af Montfort-reglunni, sem tóku við trúboðinu í Íslandi árið 1903, að leggja drög að byggingu nýrrar kirkju. Ýmsar teikningar voru gerðar en loks var ákveðið að smíða kirkju í nýgotneskum stíl. Hornsteinninn var lagður 1927. Árið 1929 var kirkjan fullreist.

Guðjóni Samúelssyni, húsameistara ríkisins, var falið að teikna kirkjuna. Sameinaði hann í teikningum sínum gotneskan stíl við séríslensk einkenni, og má einkum greina það í ytri burðarsúlum kirkjunnar, sem minna á stuðlaberg í fjallshlíð. Jens Eyjólfsson, byggingameistari, sá um að reisa kirkjuna. Hún breyttist að einhverju leyti í meðförum hans, til dæmis var hætt við að reisa turnspíru ofan á turn kirkjunnar. Lengi var Dómkirkja Krists konungs stærsta kirkja landsins.

Þann 23. júlí 1929 var kirkjan vígð. Það gerði sérstakur sendimaður Píusar XI páfa, William kardínáli van Rossum CssR, yfirmaður stjórnardeildar trúboðs í Páfagarði. Vígsluathöfnin hófst á því að kardínálinn gekk til gömlu kirkjunnar og var þar haldin stutt messa. Að því loknu voru helgir dómar kirkjunnar bornir úr gömlu kirkjunni og yfir í þá nýju. Þegar inn í hina nýju kirkju var komið var altarið vígt. Í kjölfarið fylgdu ýmsar helgiathafnir sem kardínálinn framkvæmdi, ásamt prestum kirkjunnar og fylgdarliði sínu. Að vígslu lokinni var lesin messa. Messugerðinni lauk á því að kardínálinn söng Te Deum úr hásæti sínu, en söfnuður og aðkomufólk stóð upp. „Gengu klerkar síðan með kórdrengjum fyrir í skrúðgöngu úr kirkjunni.“

Dómkirkjan ber nafn Krists konungs í heiðursskyni við Krist, Drottin alheimsins. Kirkjan er undir verndarvæng hinnar sælu Maríu meyjar Guðsmóður, heilags Jósefs og tveggja helgra, íslenskra manna, Jóns Ögmundarsonar og Þorláks Þórhallssonar. Kirkjuklukkurnar þrjár eru tileinkaðar Kristi konungi, Maríu mey og heilögum Jósef.

(Hér fyrir neðan má finna tengla í umfjöllun fjölmiðla um vígslu dómkirkjunnar í Landakoti)

-----------------------

90 Years Anniversary of Christ the King Cathedral in Reykjavík

Everyone is welcome to celebrate this remarkable event in a solemn Mass held in Christ the King Cathedral, Sunday July 28, 2019 at 10.30.

The history of the Catholic Church in Reykjavík can be traced back to 1860 when two French priests bought the land Landakot, where they built a small chapel. It was later replaced by a timber church, which was dedicated to the Sacred Heart of Jesus.

After the First World War, priests of the Montfort order, which took over the mission in Iceland in 1903, began drafting a new church building. Various drawings were made, but finally it was decided to construct a church in a neo-Gothic style. The cornerstone was laid in 1927. In 1929 the church was completed.

The Icelandic architect, Guðjón Samúelsson, was commissioned to design the church. He merged Gothic style with Icelandic characteristics, which can be distinguished in the outer bearings of the church, similar to basalt columns. Jens Eyjólfsson constructed the church. He changed the original plan to some extent, for example, the spire on the tower of the church was not erected. For a long time, the Cathedral of Christ the king was the largest church in Iceland.

On July 23, 1929, the Church was consecrated by a special envoy of Pius XI, William Cardinal van Rossum CssR, head of the Mission of „Propaganda Fide“ in the Holy See.

The cathedral bears the name of Christ the King in honor of Christ, the Lord of the Universe. The Church is under the patronage of the Blessed Virgin Mary Mother of God, Saint Joseph, and two Icelandic saints: St. Jón Ögmundsson and St. Thorlákur Þórhallsson. The three church bells are dedicated to Christ the King, the Virgin Mary, and St. Joseph.

-----------

Umfjöllun um vígslu Dómkirkju Krists Konungs á vefnum timarit.is:

ÍSAFOLD https://timarit.is/view_page_init.jsp?issId=276894

MORGUNBLAÐIÐ 1929 http://timarit.is/view_page_init.jsp?pageId=1218013

MORGUNBLAÐIÐ 1969 http://timarit.is/view_page_init.jsp?pageId=1401779